«Қазақ тілі» баспасы» ЖШС — бұрынғы-соңғы кезеңдерде қазақ тілінде жасалған құнды жәдігерлер мен мәдени-тілдік мұраны, қазақ тілінің теориялық және практикалық мәселелерін қамтитын әралуан ғылыми еңбектерді, лингвоелтану, өлкетану сипатындағы танымдық дүниелерді, қазақ тілін өзге тілді аудиторияларға үйретуге қажетті оқу құралдарын, әдістемелерді, қосалқы әдебиеттерді, көрнекі құралдарды, сөздіктер мен энциклопедияларды, екі тілді және көп тілді сөздіктерді, тілдескіштерді, интеллектуалдық ойындарды шығаруға маманданған баспа.

Біздің басты мақсатымыз – қазақ тіліндегі ақпараттық кеңістікті кеңейтуге үлес қосу және оқырмандар мен  оқытушылар қауымын қазақ тіліндегі сапалы ғылыми-көпшілік, оқулық-анықтамалық ақпаратпен қамтамасыз ету.

Білікті редакторлардан, тілші ғалымдар мен баспагерлерден құралған шығармашылық топ Сіздің әдеби, ғылыми еңбектеріңізді жылдам әрі сапалы кітап етіп шығарып береді.

Тиімді ұсыныстарыңызды, соны ойлар мен идеяларыңызды, ұтымды жобаларыңызды баспа өніміне айналдыру жолдарын ұсынып, әдістемелік-редакциялық тұрғыдан көмек көрсетеді.

Біз Сіздермен автор немесе оқырман ретінде байланыс жасауға, бірлескен жобаларды атқаруға әрқашан дайынбыз.